Կոմա. armeniamedicalcenter.am

Կոման կենտրոնական նյարդային համակարգի առավելագույն արտահայտված ախտաբանական արգելակումն է, որն արտահայտվում է գիտակցության խորը կորստով, արտաքին գրգռիչների նկատմամբ ռեֆլեքսների բացակայությամբ և օրգանիզմի կենսական կարևոր ֆունկցիաների խանգարմամբ:

Կոման տարբեր հիվանդությունների վտանգավոր բարդություն է: Մարդը կարող է այդ վիճակում մնալ մի քանի շաբաթ, ամիսներ և անգամ՝ տարիներ:

Առաջացման պատճառները.

•  գլխուղեղի արյան շրջանառության ծանր խանգարում` ուղեղի կաթվածի զարգացումով /մեռուկացած հյուսվածքի օջախ/,
•  գլխուղեղի ծավալային, արագ զարգացող գոյացություններ,
•  հեմոռագիկ կաթված /արյունազեղում գլխում/` գլխուղեղում մեծ հեմատոմայի /արյան կուտակում/ ձևավորմամբ,
•  գլխուղեղի հեմատոմա՝ արյան հոսքով դեպի փորոքային համակարգ /ուղեղի խոռոչներ/` սուր օկլյուզիվ հիդրոցեֆալիայի զարգացումով /ուղեղի փորոքների ձգում` հեղուկի կուտակումով /գանգուղեղային հեղուկ/, ուղեղի հյուսվածքի ճնշմամբ,
•  սուբարախնոիդալ արյունազեղում՝ արյան կուտակում գլխուղեղի և գանգի միջև առկա տարածություն,
•  ծանր գանգ-ուղեղային վնասվածքներ /գլխուղեղի սալջարդ/ գանգի ոսկրերի հնարավոր վնասումով,
•  ծանր մետաբոլիկ խանգարումներ՝ կապված նյութափոխանակության հետ,
•  հիպոգլիկեմիա /արյան մեջ գլյուկոզայի մակարդակի սուր անկում/ հաճախ հանդիպում է շաքարային դիաբետով հիվանդների մոտ և սուիցիդի նպատակով ինսուլինի գերդոզավորման ժամանակ,
•  հիպոթիրեոզ /վահանագեղձի հորմոնների անբավարարություն/, որը զարգանում է վահանագեղձի հորմոնների ծայրահեղ անբավարարության ժամանակ,
•  հոգեբանական նախատրամադրվածություն, կոմատոզ վիճակի կանխամտածված սիմուլյացիա, կամ պսիխոգեն կոմա /հոգեկան խանգարման արդյունքում/, այլ կերպ ասած՝ հիսթերիկ կոմա:

Հարցեր, պատասխաններ, մեկնաբանություններ